Joomla TemplatesBest Web HostingBest Joomla Hosting

Content on this page requires a newer version of Adobe Flash Player.

Get Adobe Flash player

Home News Latest News ፕሮጀክቱ የአርሶ አደሮችን ኑሮ አሻሽሏል

                                                       

               ፕሮጀክቱ የአርሶ አደሮችን ኑሮ አሻሽሏል

                         East Amhara (2)

 

የአርሶ አደሮችን ህይወት የለወጠው የምስራቅ አማራ ገበያ መር የኑሮ ማሻሻያ ፕሮጀክት ሲያከናውን የቆየውን የልማት ስራዎች  ለኦሮሞ ብሔረሰብ አስተዳደር ዞን አስረከበ፡፡

የአመልድ የምስራቅ አማራ ገበያ መር የኑሮ ማሻሻያ ፕሮጀክት በካናዲያን ፊድ ችልድረን፣ ግሎባል አፌርስ ካናዳና በክልሉ መንግስት በተገኘ 80 ሚሊዮን ብር በሁለት ወረዳዎች ላለፉት 5 ዓመታት ሲያከናውን የቆየው ፕሮጀክት የአርሶ አደሮችን ህይወት በተጨባጭ እንደለወጠ የኦሮሞ ብሔረሰብ ዞን ዋና አስተዳዳሪ አቶ እንድሪስ አብዱ ተናግረዋል፡፡
ፕሮጀክቱ በአርጡማ ፉርሲና ደዋ ጨፋ ወረዳዎች በሚገኙ 14 ቀበሌዎች 40 ሺህ ሰዎችን ተጠቃሚ ያደረገ ሲሆን ፕሮጀክቱ የመስኖ አውታሮችን በመዘርጋት የአካባቢው አርሶ አደሮችና ስራ አጥ ወጣቶችን በማደራጀት በሰብል፣ አትክልትና ፍራፍሬ ልማት፣ በእንስሳት እርባታ እንዲሰማሩ ከማድረጉ ባሻገር በስርዓተ-ፆታና ስነ-ምግብ ዙሪያ ስልጠና በመስጠት አመርቂ ስራ የሰራ መሆኑ ፕሮጀክቱ ባካሄደው ርክክብ አውደ-ጥናት ተገልጿል፡፡

                           East Amhara (1)

የአመልድ ዋና ዳሬክተር / አምላኩ አስረስ በአውደ ጥናቱ እንደገለፁት አመልድ በደን ልማት፣ ንጹህ መጠጥ ውሃ፣ መስኖ ልማት ዝርጋታ፣ የተሻሻሉ የሰብል፣ አትክልትና ፍራፍሬ እንዲሁም የእንስሳት ዝርያዎችን በማቅረብ አርሶ አደሮች ጥሪት እንዲቋጥሩ፤ ሃብት እንዲያፈሩ አድርጓል ብለዋል፡፡

ፕሮጀክቱ በአጠቃላይ 914 / መሬት ማልማት የሚችሉ 11 የመስኖ አውታሮች ዝርጋታ፣ 88 ኩሬዎች፣ 120 የሮፕና ወሸር ፓምፖችን በመገንባት 2,388 አባውናና እማዎራዎችን ተጠቃሚ አድርጓል፡፡ ከዚህ በተጨማሪ 335 ኩንታል በላይ ማሾ፣ ጤፍ፣ ማሽላ፣ ሩዝና ለውዝ 3,730 የቤተሰብ ሃላፊዎች በማሰራጨት ምርትን ማሳደግ የቻለ ሲሆን 3, 400 ኪሎ ግራም የሽንኩርት፣ ቲማቲምና ጎመን 1,760 በላይ አርሶ አደሮችን በመደገፍ ሃብት እንዲያፈሩ አድርጓል፡፡ እንዲሁም 54 ሺህ በላይ የተሻሻሉ የፍራፍሬ ዝርያዎችን (የማንጎ፣ ሙዝ፣ ብርቱካን፣ ፓፓያና አቦካዶ ችግኞችን በመስጠት የመጀመሪያ የሆነውን መስራች ምርት አግኝተዋል፡፡ 

ፕሮጀክቱ የመስኖ አውታሮችን በመዘርጋቱ የአካባቢውን ወጣቶች ከስደት ታድጎ በመስኖ እንዲያለሙ በማድረጉ በቀያቸው ኑሯቸውን እንዲለውጡ አስችሏቸዋል፡፡

                       Good practice

ንጨት እየሸጡ፣ አረም እያረሙና የቀን ስራ እየሰሩ ልጆቻቸውን ሲያሳድጉ የነበሩት / አበቡ እሸቴ ፕሮጀክቱ በፈጠረላቸው ዕድል ዛሬ ላይ አትክልትና ፍራፍሬ እያለሙ ከኪራይ ቤት ወጥተው ባለ 50 ክዳን ቆርቆሮ ቤት መስራት ችለዋል፡፡ በምግብ ሰብልም ራሳቸውን ከመቻል አልፈው በመንደር ተኮር ብድርና ቁጠባ ገንዘብ መቆጠብ ችለዋል፡፡ አመልድ ከመጣ ወዲህ በቀየው የመስኖ ማልሚያ ሞተርና ግመል የሌለው እንደማይኖር የሚናገሩት አርሶ አደሯ የመስኖ ማኅበሩ ጸሃፊ ናቸው፡፡        

አቶ ገብርኤል ጋላቲስና / ዳንከን በበኩላቸው የአርሶ አደሮችን ኑሮ የለወጠ ውጤታማ ፕሮጀክት እንደነበረ ገልጸው በቀጣይ በኤፍራታ ግድምና በጅሌ ጥሙጋ ወረዳዎች ለመስራት ያላቸውን እምነት ገልጸዋል፡፡

Last Updated (Monday, 01 January 2018 08:51)

 
Language Selection
Social Media
FacebookTwitter
Visitor Counter
Today4
Week4
All48480

Currently are 30 guests online


Poll
What do you think about our site?